UJordaan ufuna uMbokazi ancede Amajita kwiFIFA Under-20 World Cup!
Big future UDanny Jordaan uthi uza kucela uMbekezeli kwiqela lakhe iPirates ukuze aye kwi2025 FIFA Under-20 World Cup. Lensman/BackpagePix
Image: Phakamisa Lensman/BackpagePix
Iqela lesizwe loMzantsi Afrika labadlali abaselula ngeminyaka, Amajita, seliqalile ukwenza amalungiselelo etumente yehlabathi. Amajita aphakathi kwamaqela aza kube ekhuphisana kwi2025 FIFA Under-20 World Cup eza kube isingathwe lilizwe laseChile.
UMongameli weSAFA, uDanny Jordaan, unethemba lokuba uMbekezeli Mbokazi uza kufumaneka ukuze ancedise Amajita. Emva kokuqhuba kakuhle kwi'Orlando Pirates nakuBafana Bafana, uMbokazi usemilebeni yabalandeli bebhola ekhatywayo eMzantsi Afrika nakwamanye amazwe.
UMbokazi, 19, uqale isizini yakhe yesibini kwiPirates - kodwa indlela adlale ngayo imnike indawo kwiqela lesizwe elidala. Ngoku kufuneka kuthethwe nePirates ukuze akwazi ukuya kwitumente yehlabathi.
Emva kokuba aBafana Bafana bebambene neNigeria ngo'1-1 kule veki, uJordaan uthe uza kuthetha nePirates ayicele imkhulule uMbokazi ekuthambekeni kwale nyanga. Amaqela akanyanzelekanga ukuba abakhulule abadlali ngoba yitumente engafakwanga kwizicwangciso zeFIFA eziwanyanzelayo amaqela ukuba akhulule abadlali.
"Zange sabanomdlali wasemva odlala kakuhle kanje esemncinane njengoMbokazi. Unethuba elihle lokudlala kwitumente yehlabathi ngoba lonke ihlabathi liza kube libukele," utshilo uJordaan kule veki.
Amagama abadlali abaya kwitumente yehlabathi sele ebhengeziwe - kodwa indawo yakhe ikhona. "Ndinethemba lokuhle kwingxoxo esiza kuyibamba nePirates. Sineqela elidlala kakuhle kakhulu futhi ndinethemba lokuba uMbokazi uza kuba yinxalenye yalo ngoba udla kakuhle emva. Ezipalini, emva, esiswini naphambili sibahle," utshilo uJordaan.
Emva kokuba aBafana Bafana bevimbe iNigeria ithuba lokuphumelela umdlalo obalulekileyo kule veki, uHugo Broos uyincomile indlela adlale ngayo uMbokazi watsho esithi ufaneke kukudlala eYurophu.