Amaxabiso amafutha ehlile!

Ixabiso lamafutha lehlile ukusukela namhlanje, ngoLwesithathu, njengoko bekubhengezwe lisebe lezezimbiwa.

Isizathu sokuhla kwamafutha?

Isebe lithe umyinge wexabiso leoyile ekrwada yeBrent yehlile ukusuka kwi$69.06 yeedola zaseMelika (USD) ukuya kwi$67.01 yeedola zaseMelika ngeli xesha liphantsi kovavanyo.

"Imiba ephambili enegalelo [kula maxabiso] kukwanda kwemveliso yiOPEC+ kunye nabavelisi abangekho phantsi kweOPEC (umbutho wamazwe athumela amafutha kwamanye amazwe), ukukhula okucothayo koqoqosho lwehlabathi kunye namaxabiso orhwebo angaqinisekanga.

"Umyinge wamaxabiso kumazwe ngamazwe azo zonke iimveliso zepetroli ehlile ngokuhambelana nokuhla kwamaxabiso eoyile ekrwada. Oku kukhokelele ekuthotyweni kwamagalelo kumaxabiso epetroli, iBasic Fuel Prices [BFP] nge1.88 yeesenti ilitha [c/l], idizili nge54.35 c/l kunye neparafini (illuminating) nge35.54 c/l. Amaxabiso ePropane kunye neButane nawo ehlile ngeli xesha liphantsi kovavanyo," iSebe lichaze kwingxelo.

Utshintsho kumaxabiso amafutha

Nalu uhlengahlengiso lwexabiso lamafutha:

• Petrol 93 (ULP & LRP): Ihle ngeesenti ezine (4c).
• Petrol 95 (ULP & LRP): Ihle ngeesenti ezine (4c).
• Diesel (0.05% sulphur): Ihle ngeesenti ezingamashumi amahlanu anesithandathu (56c).
• Diesel (0.005% sulphur): Ihle ngeesenti ezingamashumi amahlanu anesixhenxe (57c)
• Illuminating Paraffin (wholesale): Ihle ngeesenti ezingamashumi amathathu anesixhenxe (37c).
• Single Maximum National Retail Price for Illuminating Paraffin: Ihle ngeesenti ezingamashumi amane anesithoba (49c)
• Maximum Retail Price of LPGas: Ihle ngeR1.32 kunye yehla ngeR1.51 eNtshona Koloni.