Kukhangelwa utata owalahleka kunyaka ophelileyo
|Published
Utata uXolisi Johnson (66) olahlekileyo.
Image: SAPS
Amapolisa aseMotherwell akhangela umntu ongutata olahlekileyo. UXolisi Johnson (66) wagqityelwa ukubonwa ngummelwane xa wayekwikhaya lakhe kwisitalato iMnenga, NU10, eMotherwell, eGqeberha, ngomhla we14 kweyoMsintsi ngo2024.
Ngokwengxelo yamapolisa, wachazwa njengolahlekileyo ngomhla wama23 kweyoMsintsi 2024 lusapho lwakhe.
Nabani na onokunceda amapolisa ngolwazi apho akhoyo uMnu. Johnson angaqhagamshelana nepolisa eliphanda ityala kwaSAPS Motherwell, uDetective Warrant Officer Van Schalkwyk ku082 782 8381 okanye atsalele umnxeba iCrime Stop ku08600 10111. Abantu banokuxela naluphi na ulwazi kwaye bakhethe ukungavezi amagama abo.