Amabhokobhoko ayokuvavanywa eYurophu, utsho uRassie Erasmus!
URassie Erasmus uthi Amabhokobhoko aza kuvavanywa kutyelelo laseYuropho lokuvala unyaka.
Image: BackpagePix
Kungentsuku zatywala, Amabhokobhoko aza kuntingela eYurophu - apho kulindeleke adlale imidlalo emikhulu phambi kokusonga unyaka obumhle.
Umqeqeshi weqela lesizwe, uRassie Erasmus, uyichaze imidlalo yovavanyo ezayo njengebalulekileyo kakhulu ngoba kulapho kuza kuvavanywa kuyo amandla wabadlali bakhe agxeleshe ukubasebenzisa kwitumente yehlabathi elandelayo.
Oku kwenzeka kamnandi Amabhokobhoko ekhuthazekile emva kokukhuselela indebe yeCastle Lager Rugby Championship kwinyanga ephelileyo. Kule sizini, uMzantsi Afrika uzicacisile ngokubetha iAustralia, Argentina neNew Zealand noxa ukhe wabethwa nawo kweminye imidlalo.
Okunye okwenza imidlalo yovavanyo ezayo ibaluleke kukuba iza kunika uSiya Kolisi ithuba lokudibanisa ikhulu lemidlalo kwiqela lesizwe. Yonke imidlalo ibalulekile ngoba akukho nalinye ilizwe elingafuni ukubetha Amabhokobhoko aziintshatsheli.
"Imidlalo eza kudlalelwa eParis naseDublin yeyona eza kucacisa ukuba sime ndawoni siziintshatsheli zehlabathi," utshilo uErasmus ethetha neentatheli kule veki.
Amabhokobhoko aza kudlala neJapan, iFrance, Italy, Ireland neWales kwinyanga yeNkanga. Yonke loo midlalo iza kunika abaqeqeshi ithuba lokuzama izinto ezintsha noxa befuna iziphumo ezincumisayo kwelinye icala.
"Yimidlalo endingayifanisa neyendebe kuthi," utshilo umqeqeshi ngoba unabadlali afuna baqhelane nokudlala emidlalweni enzima. Uthe iqela lakhe lisenendlela ende eliza kuyihamba ukuze lidibane kwaye ufuna ukugqiba le sizini phambi kokuqala ukulungiselela itumente yehlabathi elandelayo.
"Siza kuhlala ixesha elide kulo nyaka xa sithelekisa neminye imidlalo futhi sidibana namaqela asemgangathweni ophezulu. IFrance neIreland ziphezulu kumanqwanqwa ehlabathi - kodwa ngeke siyijongele phantsi iWales neJapan.
"Sijongene nemidlalo enzima ngoba iFrance neIreland zikwazile ukuphumelela imidlalo yeSix Nations Cup ngendlela encumisayo. Kule sizini sidlale kakuhle - kodwa asiqhubanga kakuhle kweminye. Lithuba elihle lokuba sizivavanye futhi siyakuvuyela ukuya eYurophu," utshilo uErasmus.