UMiguel Cardoso uthi iSundowns ngeke iphazanyiswe ngumoya obhudlayo
UTeboho Mokoena weMamelodi Sundowns efaka igowuli kwi'Orlando Pirates emdlalweni weMTN8 obuse'Orlando Stadium kwiveki ephelileyo.
Image: Itumeleng English Independent Newspapers
Iingqondo zabadlali nabaqeqeshi zisemisebenzini yabo ngokupheleleyo ngokutsho komqeqeshi. Oku kudizwe nguMiguel Cardoso othethe neentatheli phambi komdlalo omkhulu weMTN8 ophakathi kweMamelodi Sundowns ne'Orlando Pirates.
Umdlalo uza kuqhutyelwa eLuccas Moripe Stadium ekulindeleke igcwale kungabikho nendawo yokunyathela ngentsimbi yesithathu emalanga namhlanje. Lo mdlalo wamaqela amakhulu ulandela owokuqala abambene kuwo ngegowuli macala e'Orlando Stadium emalanga ngoMgqibelo odlulileyo.
Amalungiselelo weSundowns enziwa kukho ingxolo ezingileyo ngenxa yabadlali abafuna ukuhamba. ULucas Ribeiro ugrogrise ngokumangala kwiFifa emva kokuba iSundowns ingavumanga ukumthengisa kwiQatar SC avumileyo ukuyidlalela.
Kuthiwa iSundowns iyikhabile iR60-million abethengwa ngayo iRibeiro. Ithe yakungavumi iSundowns, yabuya umva iQatar SC. URiveiro uyibeke yacaca eyokuba ufuna ukuhamba kwiSundowns. Abanye abadlali abangakhululwanga befuna ukuhamba baquka uKhuliso Mudau noPeter Shalulile.
Bonke aba badlali bebenamaqela abafunayo eYurophu. "Ndicinga ukuba iSundowns ayizukwenza ngxolo ngezinto ezithethwayo. Indlu yeSundowns iqinile futhi ngeke iphazanyiswe kokuthethwayo," utshilo uCardoso ephendula imibuzo yeentatheli kule veki.
"Iingqondo zethu zisemsebenzini yethu. Indlela esiwulungiselela ngayo umdlalo ngamnye iphucukile. Siliqela elomeleleyo futhi elikwaziyo ukumelana neemeko zonke," utshilo uCardoso onethemba lokuba iSundowns iza kwenza umsebenzi ukuze iye phambili kwiMTN8 Cup.
Emva kwegowuli elafakwa nguTeboho Mokwena emdlalweni wokuqala, iSundowns inethemba lokuthintela iPirates ingafuni nto emdlalweni wanahlanje emalanga. Uxinizelelo likwiPirates ngoba kunyanzelekile ukuba iphumelele.
Kanti yona iSundowns ingaya phambili kwiMTN8 nokuba umdlalo uphele iliqanda ebhodini. UCardoso uza kuthembela ngabadlali abafana noMokwena, uMarcello Allende noPeter Shalulile ongoyena onamagowuli amaninzi kwiPSL osadlalayo.