Kutheni uBiyela ezikhabile izigidi ebekuthengwa ngazo iRichards Bay

USihlalo weRichards Bay FC, uSfiso Biyela, uthi ufumene umyalezo othi kukho iqela laseNtshona Koloni elifuna ukuthenga iqela lakhe. Oku kuvele kule veki ngethuba esamkela abadlali abatsha kwiphondo laKwaZulu-Natal.

Kuthiwa yimali ekwizigidi ezingamashumi asixhenxe zerandi (R70-million) ekuthiwa ununuswe ngayo umnikazi weRiichards Bay. Emva kokukhiqwa kweCape Town City kwinyanga egqithileyo, uMnu. John Comitis uthe ukuthenga iqela elidlala kwiBetway Premiership yenye yezinto angazenza ngoba unabadlali abangafuniyo ukuya ezantsi.

Ayintshanga lo nto kuye ngoba kwiminyaka engaphezulu kwesihlanu, wathenga iMpumalanga Black Aces emva koko wayiguqula wayenza iCape Town City ebisoloko iqhuba kakuhle ukusukela ngoko.

Iqela likaComitis alikwazanga ukuphumelela imidlalo yokuxabangela (PSL Play-offs), yiyo lo nto lithotyiselwe kwanyuselwa i-Orbit College yaseNorth West eqhube kakuhle. Ngelishwa lwakhe uComitis, uye waphoswa yiSuperSport United ethengiselwe unyana kaGayton McKenzie oyiguqula yayiSiwelele FC kwiveki ephelileyo.

UTim Sukazi uthe iTS Galaxy yakhe ayithengisi. Ngokutsho kweFARPost, kuye kwanyanzeleka umphathi weqela laseKapa azame iRichards Bay. "Kukho umntu endingazumbiza ngegama othe bafuna ukuthenga iqela elikwiBetway Premiership," utshilo uBiyela.

Uthe badibanise imali eqikelelwa kwiR60-million baphinda bongeza enye ngaphezulu. Wathi kwakuba kum ukuba ndithatha igama leqela elithotyiselweyo," utshilo uBiyela ngokwengxelo ekhutshwe yiFARPost.

"Ndithe kubo imbali yeqela endinalo ayinalo ixabiso mabazame kwenye indawo. Ndingayithengisa njani iRichards Bay isavuyelwa ngabantu emva kokudlalela kude ixesha elide? Siyayifuna imali - kodwa asikwazi ukuphoxa abantu abasixhasileyo," uvale ngaloo mazwi uBiyela.