Izolo uLucas Ribeiro ushiye elele uAbdramane Konate emdlalweni weCAF Champions League obuphakathi kweMamelodi Sundowns nayo iEsperance emalanga eLoftus Versfeld Stadium..
Image: Itumeleng English Independent Media
Nakubeni uMiguel Cardoso ekwazile ukubethwa iqela awakhe waliqeqesha wanceda neMamelodi Sundowns efumene amanqaku amathathu - kodwa akanoelisanga konke konke ngumsebenzi owenziweyo.
UCardoso uvakalise indlela aziva ngayo emva kokuba iSundowns ibethe iEsperance Sportive de Tunis ngegowuli elinye eqandeni emdlalweni weCAF Champions League obuseLoftus Versfeld Stadium emalanga izolo. Ibikokokuqala iSundowns ibethe iqela laseTunisia emva kokungalibethi emidlalweni emine yonke.
Igowuli ekube kuphela kwalo emdlalweni lifakwe nguPeter Shalulile kwisigaba sokuqala somdlalo. Akukho nto ekungabaliswa ngayo iEsperance ngoba idlalele ukungabethwa - kodwa bekunzima kwiSundowns elawule umdlalo wonke.
UCardoso uxelele uSABC Sport TV ukuba iqela lakhe alingadlala ngendlela ebefuna ngayo. "Ndicinga ukuba asisebenzisanga kakuhle kwisigaba sokuqala ngoba besiyazi into eza kwenzeka ebaleni," utshilo uCardoso obethe iqela awakhe waliqeqesha.
Ibingumdlalo onzima futhi ekuvuke imimoya kuyo. Kuye kwanyanzeleka ukuba uCardoso angene ebaleni anqande abadlali bakhe bexabana nabadlali bayo iEsperance. Kanti emva komdlalo, abalandeli beqela laseTunisa baqhwaye uqhushululu babethwa ezihlunwini ngabeSundowns izolo ePitoli.
"Umdlalo ubuphethwe sithi kwisigaba sokuqala. Indlela esidlale ngayo ekuqaleni kwesesibini yile besiyifuna. Sifumene igowuli sidlala kanye ngendlela ebendifuna iSundowns idlale ngayo. "Bekufanele siqhubele phambili nokudlala kakuhle - kodwa saphazanyiswa yingxabano singalifumananga igowuli lesibini. Kufanele silazi iqela esijamelene nalo.
"Kodwa emva komlenze wokuqala, kungcono xa sisiya kumdlalo wesibini sihamba phambili ngo'1-0 endaweni yokulingana nayo iEsperance. Andonwabanga - kodwa ndiyakwazi esijongene nako," uvale ngaloo mazwi uCardoso. Kanti yena uMaher Kanzari uthe unethemba lokuba iEsperance iza kwenza ngcono xa idlalela ekhaya kwiveki ezayo ngoLwesibini.
Related Topics: