iGolden Arrows ibethelwe ekhaya yiChippa United emdlalweni weNedbank Cup
Idlulele kumjikelo olandelayo iChippa United emva kokuba ibethe iGolden Arrows ngamagowuli amabini kwelinye emdlalweni weNedbank Cup obunomtsalane eMpumalanga Stadium namhlanje emalanga. Omabini amaqela aye emdlalweni efuna ukuphumelela emva kokungaqhubi kakuhle emidlalweni yeBetway Premiership edlulileyo.
Kuyiwe kwixesha lokuphumla kungekho qela elikwazileyo ukubhalisa ebhodini. Lo nto iwanyanzele amaqela omabini anyuse umxakatho kwisigaba sesibini. Ekuzeni kuphela komdlalo, uSinoxolo Kwayiba ubhakuzelise umnatha ngebhola ayingqube ngentloko isuka kuGiovanni Philander ekoneni. Khange kube kudala, uBradon Theron ufake igowuli leGolden Arrows.
Igowuli libanike amandla okuya phambili Abafana Bes’thende. Kodwa khange inikezele iChippa United ebihlasela ngoKwayiba no-Aphelele Teto. UTheron ufake igowuli ezipalini zakhe emva kokuba abadlali beGolden Arrows bexheshwe kakubi nguTeto kwicala lasenxele ebaleni. Nangona Abafana Bes’thende bezamile ukulwa - kodwa iphumelele iChippa United ngamagowuli amabini kwelinye.
Kweminye imidlalo, iMarumo Gallants izibethele iPretoria Callies ngegowuli elinye izolo ePitoli. Emidlalweni yanamhlanje, Umvoti uvuthululwe yiBaroka FC ngemvula yamagowuli amathathu eqandeni. ICape Town Spurs ibethe iVenda FC ngamagowuli amathathu kwelinye. Kanti yona iDurban City ibethe iLerumo Lions ngamagowuli amabini eqandeni namhlanje emalanga.