iStellenbosch FC idlulele phambili kwiCAF Confederation Cup

Pedro Mapelo|Published 2 months ago

UJayden Adams noogxa bakhe bevuyela igowuli leStellenbosch FC ebethe iStade Malien emdlalweni weCAF Confederation Cup obuseLoftus Versfeld Stadium. Umfanekiso: ©Nokwanda Zondi/BackpagePix

Iqela laseNtshona Koloni, iStellenbosch FC, lenze umtsi obalulekileyo oya phambilii kwiCAF Confederation Cup. Oku kwenzeke emva kokuba libethe iStade Malien ngamagowuli amabini eqandeni emdlalweni weConfederation Cup obubanjelwe eLoftus Stadium, ePitoli, ngenjikalanga yanamhlanje.

Bekunyanzelekile abakhwenkwe kaSteve Barker ukuba aphumelele emdlalweni wanamhlanje ukuze akwazi ukufumana indawo kwisigaba esilandelayo setumente. Ngethamsanqa, akwazile ukuyenza lo nto.

Omabini amaqela adlala kakuhle kwisigaba sokuqala. Ngamathuba aliqela avelileyo emdlalweni ngoba iqela ngalinye belifuna ukufaka igowuli kuqala ukuze livale amazibuko emva koko. USage Stephens uvale iibhola eziliqela iMalien ifuna ukubhalisa ebhodini.

UFawaaz Basadien ufake igowuli lokuqala emva kokuba iStellenbosch ifumene ipenela. Emva koko, uJayden Adams ufake igowuli lesibini kwagqitywa. Konke oku kwenzeka iStellenbosch isenawo umdlalo omnye engekawudlali.