• Iindaba
  • Ezemidlalo
  • Ezoyolo
  • Izimvo
  • Entsimini
  • Entsimini English
  • English
I'solezwe lesiXhosa
I'solezwe lesiXhosa liphephandaba lesiXhosa elipapasha iindaba yonke imihla kumnatha wonxibelelwano. Singooqal'azive abahleli bebaze iindlebe ngeenjongo zokuphakela wena, mfundi wephepha, iindaba ngokukhawuleza nangobunjalo bazo.
Sections on Isolezwe lesiXhosa
  • Iindaba
  • Ezemidlalo
  • Ezoyolo
  • Izimvo
  • Entsimini
  • Entsimini English
  • English
Our network
  • Athlone News
  • Atlantic Sun
  • Bolander
  • CapeTowner
  • Constantiaberg Bulletin
  • DFA
  • False Bay Echo
  • I'solezwe lesiXhosa
  • Northern News
  • Plainsman
  • Sentinel News
  • Southern Mail
  • Southern Suburbs Tatler
  • TableTalk
  • Vukani
  • DurbanLocal
© 2025 Independent Online and affiliated companies. All rights reserved.
Press CodePrivacy PolicyTerms & ConditionsAdvertise with usContact UsComplaints Procedure
Ezemidlalo

IPirates inyathele iCR Belouizdad yadlulela phambili kwiChampions League

Pedro Mapelo|Published 3 months ago

URelebohile Mofokeng ngomnye wabadlali abafake amagowuli emdlalweni weCAF Champions League namhlanje. Umfanekiso: OP/Facebook

URelebohile Mofokeng ngomnye wabadlali abafake amagowuli emdlalweni weCAF Champions League namhlanje. Umfanekiso: OP/Facebook

Bashiyeke bencumile abalandeli be'Orlando Pirates ngenjikalanga yanamhlanje emva kokuqhuba kakuhle kweqela labo. Oku kwenzeke emva kokuba eZimnyama zibethe iCR Belouizdad ngamagowuli amabini kwelinye emdlalweni weCAF Champions League obubanjelwe e'Orlando Stadium, eSoweto, namhlanje emalanga.

Amagowuli ephumelele ngawo iPirates afakwe nziziququ ezibini, uRelebohile Mofokeng noThalent Mbatha, ngokulandelelana. Kanti elokubika kwiCR Belouizdad lifakwe nguAbdelraouf Benguit kwixesha likasompempe.

Ekuqaleni komdlalo, umdlalo ububambene ngoba bekungekho qela elifuna ukulahlekelwa kwangoko emdlalweni obalulekileyo. IPirates iphantse yabhaqa igowuli emva kwempazamo eyenziwe nguNaoufel Khacef uye wancedwa nguMoustapha Zeghba ezipalini.

Emva koko uRelebohile ufumene igowuli ekuyiwe kwixesha lokuphumla ihamba phambili ngalo iPirates. Siye sanika umdla isiqingatha sesibini ngoba sivelise amagowuli amabini. Ngethamsanqa layo iPirates, ikwazile ukuphumelela yatsho yadlulela kumjikelo olandela weCAF Champions League.