iMagesi FC ziintshatsheli ezintsha zeCarling Knockout Cup!!
Iingcwadi zembali zibhalwe ngokutsha namhlanje ebholeni yaseMzantsi Afrika. oku kwenzeke emva kokuba iMagesi FC ibethe iMamelodi Sundowns emdlalweni weCarling Knockout Cup obubanjelwe eToyota Stadium ngorhatya lwanamhlanje.
Kuyiwe kwixesha lokuphumla iSundowns ihamba phambili ngegowuli elifakwe nguLucas Ribeiro. Ekuqaleni komdlalo, yiSundowns ebinamandla - kodwa nakubeni kunjalo, iMagesi izamile ukuvala amazibuko kunzima kunjalo.
URibeiro noPeter Shalulile ngabona badlali abebeyinkathazo kakhulu. Njengesiqhelo, uElvis Chipezeze uzinyamezele izithonga ezisuke kumadoda afana no-Iqraam Rayners.
Kwisigaba sesibini, uDelano Abrahams ufake igowuli lokulinganisa emva kokufumana ibhola ekhatywe kakuhle nguEdmore Chirambadare. Ilwile iSundowns emva koko - kodwa into engakwazanga ukuyenza kukufaka igowuli. Kuthe xa kushiyeke imizuzu emine, iMagesi ifake igowuli lesibini yatsho yaphumelela.