IBenin ihamba phambili eAfrika ngemveliso yomqhaphu.
Image: Shutterstock
Phakathi kuka2017 no2019, iBenin ivelise umyinge weshumi elinesithathu leepesenti zomqhaphu, nto leyo eyenza ukuba ibe ngumvelisi ohamba phambili womqhaphu eAfrika. Ngenxa yoku, iBenin iyodwa ivelise iitoni zomqhaphu ezingamakhulu amathandathu anamashumi asixhenxe anesibhozo amawaka.
Oku kuyenza ukuba iBenin ikhokele amazwe afana neMali, Burkina Faso kwakunye neCôte d’Ivoire nanjengoko elandela emva kwayo ngokuvelisa umqhaphu. Umqhaphu oveliswa kula mazwe uthunyelwa kumazwe afana neBangladesh, Vietnam, China naseMalaysia.
Umqhaphu ubaluleke ngenxa yokuba uvelisa iimveliso ezininzi ezahlukeneyo ezithi zidlale indima empilweni yoluntu. Ioyile ekhutshwa kwizithole zomqhaphu isetyenziswa ukuvelisa ioyile yokupheka ukutya, ibhotolo eqatywa esonkeni, isepha esisitena yokuhlamba kwakunye nezinye izinto zonobuhle.
Umqhaphu uyasetyenziswa xa kusenziwa ukutya kwemfuyo, logama ikwasetyenziswa ukwenza izichumiso zomhlaba.
Esi sityalo sikwanefayibha eluncedo kwizilwanyana xa zidibana nokutya okunomqhaphu.
Umqhaphu uyafumaneka nakwiimveliso ezifana nephepha elisetyenziswa ukwenza imali, amachiza okunyanga izilonda nezinye ke izithako zempilo.
Amakhatshu omqhaphu nawo anomsebenzi wawo wokwenza izichumiso zendalo nokubamba ukhukhuliseko lomhlaba.
Ilizwe loMzantsi Afrika lihamba emva kakhulu kwimveliso yomqhaphu xa kuthelekiswa namazwe aseAfrika aquka iBenin, Mali, Burkina Faso neCôte d’Ivoire.