UMzantsi Afrika ukhokele kwimveliso yamaqunube eAfrika

Ilizwe loMzantsi Afrika lelona lizwe lihamba phambili ekuveliseni amaqunube kwilizwekazi laseAfrika, lincediswa yimeko yemozulu nezinye izixhobo zokulima.

UMzantsi Afrika uneyona mbali indala yemveliso yamaqunube ehlabathini, ukusukela ngo1656.

Ngenxa yokukhula kwemveliso yamaqunube kweli, uMzantsi Afrika uvelisa umyinge wamawaka alishumi eetoni ngonyaka. Amashumi alithoba eepesenti aveliswa ngamafama asekuhlaleni kwiifama ezincinci eMzantsi Afrika.

Iphondo laseNtshona Koloni nelaseFreyistata ngawona ahamba phambili ekuveliseni amaqunube kweli. Likhulu elinamashumi asibhozo eehektare zomhlaba apho kulinywa amaqunube kwiifama zaseNtshona Koloni.

Amaqunube alinywa ukusukela ngenyanga yeSilimela ukuya kweyoMnga kweli loMzantsi Afrika ngenxa yokuba akholwa ngamandla bubushushu xa sele eqalisa ukuqandusela.

Amaqunube angatyalwa ebusika, kodwa akufunekanga adibane ngamandla nengqele kuba ayoyisakala yingqele egqithisileyo.

Uninzi lwamaqunube kweli athengiswa esaphuma emasimini, kodwa inani elikhulu lamaqunube athengiswa kumazwe angaphandle aquka, amazwe akuMbindi Mpuma.

Amazwe aquka iMorocco, iEgypt, iTunisia, iAlgeria, iKenya, iTanzania neGhana aphakathi kwamazwe avelisa amaqunube eAfrika.

Esi siqhamo kulula ukusivelisa logama singenisa imali ecacileyo kumafama alima ngokuzinikezela. Kukho esilinywa phantsi kuze kubekho eso sikhula emithini.

Amaqunube avelisa uluhlu olubanzi lweemveliso, eziquka izinto ezimnandi ezityiwayo ezifana nejam eqatywa esonkeni, iziselo eziindidi, imiqwayito nezinye.

Amaqunube ayasetyenziswa ukwenza izithambiso zomzimba nezobuso kwabo bakhathalele ubuhle babo.