Linyukile inani lamajoni oMzantsi Afrika abulewe eDRC

Umkhosi woMzantsi Afrika (SANDF) ubhengeze ukubhubha kwelinye ijoni eDemocratic Republic of Congo (DRC) – nto leyo yenza ukuba inani lamajoni abhubhileyo lifikelele kwishumi elinesine.

Oku kuza emva kokuba ijoni libhubhele esibhedlele ngenxa yokwenzakala kwalo. Ekuqaleni, inani lamajoni asweleke emva kokuhlaselwa ngabavukeli beM23 lalisithoba. Kwandula ke kwabhubha abanye abane, yaye kutshanje, omnye wabhubha esongeza kwelo nani.

I-SANDF ikhuphe ingxelo ngoMgqibelo enamagama ala majoni aswelekileyo.

La majoni ebeyinxalenye yemikhosi yokugcina ucwangco, iSAMIDRC neMONUSCO eDRC. “Babonakalise inkalipho engummangaliso bequbisana nabavukeli beM23 ababehlasele inkampu yabo,” sitshilo isithethi seSANDF uSiphiwe Dlamini.

UDlamini ukwathe iSebe lezomkhosi lithumela amazwi ovelwano kwiintsapho zamajoni abhubhileyo nakusapho lonke lomkhosi wokhuselo.

Amagama amajoni aswelekileyo:

1. Staff Sergeant William Eddie Cola
2. Staff Sergeant Molahlehi Ishmael Molahlehi
3. Staff Sergeant Shwahlane Theophilus Seepe
4. Corporal Matome Justice Malesa
5. Corporal Rinae Nemavhulani
6. Lance Bombardier Itumeleng Macdonald Moreo
7. Lance Corporal Tseke Moffat Molapo
8. Lance Corporal Metse Stansly Raswiswi
9. Rifleman Sebatane Richard Chokoe
10. Rifleman Derrick Maluleke
11. Rifleman Tshidiso Andries Mabele
12. Rifleman Calvin Louis Moagi
13. Rifleman Mokete Joseph Mobe
14. Private Peter Jacobus Strydom