Kufunyenwe umzimba wowasetyhini ubulewe ngokuhambisa umzimba, nalapho unqunyulwe intloko, eTsengiwe A/A, eCala, kwiveki ephelileyo.
Ingxelo yamapolisa ithi, umelusi wemfuyo obekwintaba iNdaba, eTsengiwe A/A, kwidolophu yaseCala, uye wafumana lo mzimba wowasetyhini ungenantloko kule ntaba.
Mabini amadoda arhanelekayo ngesi senzo, nathe abanjwa ze avalelwa ngeenjongo zokuwahlohla ngemibuzo. Ixhoba eli nelibulewe ngokungenalusini lineminyanka engamashumi amabini anesibini (22).
Ukanti, emva kwemini kwangeCawa, ithe yafunyanwa intloko yexhoba elo kwiikhilomitha ezintathu ukusuka kwindawo yesenzo eso singenalusini.
Ingxelo iqhuba ithi, okukhokelele kwesi senzo senkohlakalo kusaphandwa ngamapolisa.
Ukanti umzimba walowo wasetyhini ufunyenweyo, uthe waziswa ngengoLuntu Stuurman.
Kuvulwe Ityala lokubulala, kwaye uphando luyaqhuba.
Ungcwatywe ngokukhawuleza ngenxa yokonakala komzimba umfundi ogetyengiweyo!