UMuguel Cardoso uthethe ngeyona nto ebalulekileyo ngePirates kule sizini

Emva komdlalo obunzima kule veki, uMiguel Cardoso ubalule into enye nge'Orlando Pirates. UCardoso uvule isifuba sakhe emva kokuba iMamelodi Sundowns ibethe iPirates ngamagowuli amabini kwelinye emdlalweni weBetway Premiership obutaka iintlantsi eFNB Stadium kubusuku bangoLwesithathu kule veki.

Amagowuli ephumelele ngawo iSundowns afakwe yifolosi eyingosi yaseColombia, uBrayan Leo kwisigaba sokuqala. Efike yabika ngalo ekhaya iPirates lifakwe nguPatrick Maswanganyi kwisigaba sesibini.

Ngokuphumelela kwayo iSundowns ikwazile ukubamba iPirates ebisemkisela phezulu. Emva komdlalo wale veki, ngoku Amasandawana ashiywa ngamanqaku amathathu kuphela yiPirates futhi anomdlalo angekawudlali.

Kanti kwimpelaveki edlulileyo, uSundowns ibethe iMC Alger ngamagowuli amabini yatsho yadlulela phambili kwiCAF Champions League emva kokusokola kwiiveki ezidlulileyo. Emva kokuphumelela imidlalo emibini ebinzima, uCardoso uthethe ngokuzithemba okukhulu kule veki.

IPirates sekucace gca ukuba lelona qela eliza kuyiswantsulisa iSundowns eziintshatsheli zesizini edlulileyo. "Ndiva kusithiwa iSundowns idlala ngendlela efanayo. Into endingayithetha kukuba ngamanye amaxesha izinto ziyihambela kakuhle - kodwa zingayihambeli kakuhle ngamanye amaxesha," utshilo uCardoso ethetha neentatheli Egoli kule veki.

"Sizame iindlela ezahlukileyo ngethuba silungiselelo umdlalo wanamhlanje ngoba besidlala nePirates edlala kakuhle futhi esemgangathweni ophezulu kakhulu.

"Mna ndicinga ukuba iPirates inamandla ngaphezulu kweMC Alger. Inamandla kakhulu. Yiyo le nto iBetway Premiership inzima kangaka. Size emdlalweni singakhange siyibethe iPirates emdlalweni kule sizini.

"Yasibetha kwiipenela kuphela. Umdlalo ubunzima futhi ndingatsho ukuba bekunzima ukulungiselela umdlalo onje," utshilo uCardoso emva komdlalo echwayitile. Ukuba iSundowns ingabetha AmaZulu emdlalweni wayo olandelayo, kungenzeka ibhukuqe iPirates ihleli phezulu.