Amadoda amathathu afunyenwe ebhubhile enamanxeba okudutyulwa ngaphandle kwaseGcuwa
Amapolisa akhangela abarhanelwa ababulele amadoda amathathu adutyulwe ngaphandle kwaseGcuwa.
Image: Umfanekiso ogciniweyo
Amapolisa aseMpuma Koloni amisele iqela labaphandi ukuze bafumane abenzi bobubi ababulale amadoda amathathu aneminyaka ephakathi kwamashumi amathathu anesihlanu (35) namashumi amane anesine (44) ubudala eTholeni ngaphandle kwaseGcuwa.
Ngokwengxelo yamapolisa, la madoda mathathu afunyenwe ngumhlali oye wazisa amapolisa kusasa ngoLwesibini.
Isithethi samapolisa uLieutenant Colonel Siphokazi Mawisa uthe xa amapolisa efika kwindawo yexhwayelo, afumene imizimba emithathu enamanxeba okudutyulwa kumzimba ongentla ecaleni kwebhulorho yaseCunningham, eTholeni.
UMawisa uthe isizathu sokubulawa kwala madoda asikacaci okwangoku kodwa siyinxalenye yophando oluqhubekayo.
Akukabanjwa mntu. Amatyala amathathu okubulala avuliwe ukuze kuphandwe.
Abaphathi bamapolisa aseMpuma Koloni bayalele iqela ukuba lingaphumli de abo benze oku babanjwe bajongane nengalo yomthetho.
Amapolisa ephondo akwabongoza uluntu ukuba luncede ngalo naluphi na ulwazi olunokukhokelela ekubanjweni kwabarhanelwa, abantu bangaqhagamshelane nomcuphi wecandelo leSerious and Violent Crime Investigation Unit uDetective Colonel Nceba Mtshiyo ku071 475 2292, iSAPS Crime Stop ku08600 10111 okanye baxele nakwesiphi na isikhululo samapolisa esikufutshane.