IZIPHUMO ZEMATRIKI: Iphondo ngalinye lifumene ngaphezulu kwe80%

Iphondo ngalinye lifumene ngaphezulu kwe80% kwiziphumo zematriki zonyaka ka2025, futhi nezinga lokupasa likazwelonke limi ku88% nelilelona nani liphezulu kwimbali.

UMphathiswa weMfundo esiSiseko, uSiviwe Gwarube, ubhengeze iziphumo ngoLwesibini ngokuhlwa kwiCawa yaseMosaiek eGoli.

IKwaZulu-Natal lelona phondo linkqenkqeza phambili kwaye likwalilo lodwa elifumene ngaphezulu kwe90%. Lifumene u90.6%. Lilandelwa yiFreyistata ngo89.33%.

Iphondo laseGauteng likwindawo yesithathu ngo89.06%, uMntla Ntshona ukwindawo yesine ngo88.49% kwaye iNtshona Koloni ikwindawo yesihlanu ngo88.2%.

Iphondo laseMntla Koloni likwindawo yesithandathu ngo87.79% futhi lelona phondo liphucuke kakhulu kwiziphumo zalo xa lithelekiswa namanye amaphondo. Kwindawo yesixhenxe yiMpumalanga eno86.55%, iLimpopo ilandela kwindawo yesibhozo ngo86.15% kwaye iMpuma Koloni ikwindawo yokugqibela ngo84.17%.

Ngale ntsasa, iSebe leMfundo esiSiseko (DBE), lisebenzisana neMTN, liwonge abafundi abaphumelele emagqabini kwiziphumo zabo zematriki zika2025 kwisidlo sakusasa noMphathiswa eRandburg, eGoli. Aba bafundi banikwe imbeko ngokugqwesa kwabo kwizifundo zabo nangokuzinikela kwabo.

IBhodi yeeMviwo eziZimeleyo (IEB) ibhengeze ukuba izinga lokupasa likazwelonke ngu98.31% – ukwehla okuncinci xa kuthelekiswa no89.37% ngo2024.