Ngamashumi amabini abakhwetha abaswelekileyo eMpuma Koloni
Abakhwetha eMpuma Koloni kwisizini yolwaluko.
Image: Pedro Mapelo/I'solezwe lesiXhosa
Ngengokuba sekusongwa isizini yolwaluko, iphondo leMpuma Koloni lisokoliswa linani elinyukayo lokusweleka kwabakhwetha esuthwini. Ngamashumi amabini abakhwetha abalahlekelwe yimiphefumlo ukusukela oko kuthe kwaqala isizini yolwaluko eqale kwinyanga ephelileyo.
Oku kwaziswe nguMphathiswa kaCogta ephondweni, uMnu. Zolile Williams, ekuqaleni kwale veki. "Egameni likaRhulumente ndithi mandidlulise amazwi ovelwano kumakhaya aswelekelweyo," utshilo uWilliams ethetha neentatheli. Uthe akubaphathi kakuhle ukusweleka kwabakhwetha ezandleni zamakhankatha anikwe uxanduva.
Ishumi elinesithandathu labakhwetha ababhubhileyo beloluke ngendlela esemthethweni - kodwa isixhenxe besisemabhomeni angekho semthethweni. Kumawaka asondele kwisine sabakhwetha kule sizini, abangaphezulu kwamakhulu amane (421) boluke ngendlela engokho semthethweni.