Linyukile kwakhona inani labakhwetha ababhubhileyo eMpuma Koloni
Abakhwetha ngesizini yolwaluko kwiphondo leMpuma Koloni.
Image: File Picture: REUTERS/Siegfried Modola
Liphinde lanyukela kwakhona inani labakhwetha abaswelekileyo kwiphondo leMpuma Koloni. Oku kubhengezwe liSekelamphathiswa kuZwelonke, uPrince Zolile Burns-Ncamashe, ngethuba ethetha kwisikhululo sikamabonakude uENCA, namhlanje ekuseni. Lishumi elinesixhenke lonke labakhwetha ababhubhileyo kule sizini.
Eli nani lisuka kwishumi elinesihlanu ebelixeliwe kwiintsuku ezidlulileyo. Oku kwenzeka nakubeni uRhulumente wephondo ezamile ukushumayela ukuphathwa kakuhle kwabakhweni phambi kokuqalwa kolwaluko. Izinto eziphambili ezibonakala zinefuthe kwinani elikhulayo kukuvinjwa kwabakhwetha amanzi namabhoma angekho semthethweni kwiindawo ezithile ephondweni.