Amapolisa aseGqeberha aphanda ngokubulawa kwamadoda amane

Amapolisa aphanda ngokubulawa kwabantu abane abadutyulwe babulawa ngoLwesibini wale veki kwilokishi yaseWalmer eGqeberha.

Esi sehlo senzeke malunga necala emva kwentsimbi yesihlanu emva kwemini kwisitalato iGoniwe eWalmer, utshilo osisithethi samapolisa uLieutenant Colonel Siphokazi Mawisa.

"Uphando lulandela isiganeko apho iqela labarhanelwa kuthiwa langena kwindawo leyo, lafuna iifowuni, laza ladubula abantu ababehleli apho," utshilo uMawisa. 

Kuthiwa la madoda mabini aneminyaka engamashumi amabini anesine (24) namashumi amabini anesithoba (29) adutyulwe izihlandlo eziliqela abhubhela kwindawo yexhwayelo.

"Kuqinisekisiwe ukuba amanye amadoda amabini aneminyaka engamashumi amabini anesibini (22) nawo adutyulwe abulawa ngabarhanelwa kwiindawo ezimbini ezohlukeneyo kufutshane neG-West, kwisitalato iGoniwe, eWalmer," utshilo uMawisa.

Amapolisa athi uphando lokuqala ludize ukuba iifowuni ezintathu zithathwe ngabarhanelwa.

Ngethuba amapolisa efika kwindawo yexhwayelo, kutyholwa ukuba abarhanelwa bebesele bekwindawo yexhwayelo kwaye badubula amapolisa, athe aziphindisela. Abarhanelwa babaleka, baza baleqwa kodwa abakhange bafunyanwe.

UMawisa uqinisekisile ukuba akukho mntu wenzakeleyo ngexesha lokudubulana. Ityala lokuzama ukubulala lavulwa ngenxa yokuhlaselwa kwamapolisa laza ladluliselwa kwiCandelo loPhando lwaMapolisa eliZimeleyo (IPID) ukuze liphathwe lilo.

Amapolisa abongoza nabani na onolwazi olunokunceda kula matyala ukuba aqhagamshelane noDetective Lieutenant Colonel Sithole wecandelo iProvincial Serious Violent Crime Investigation Unit ku082 457 2812.

Ulwazi lungaxelwa ngaphandle kokuba abantu batsho ukuba bangoobani ngenombolo yeCrime Stop ku08600 10111 okanye kwiMySAPS App.