Iindaba

Umsasazi uphakathi kwabarhanelwa abahlanu abavele enkundleni ngokuthumela amadoda emfazweni

Cwayita Nondula|Published

Abatyholwa abahlanu, uNonkululeko Mantula (39), Thulani Mazibuko (24), Xolani Ntuli (47), Siphamandla Tshabalala (23) noSfiso Mabena (21) bavele phambi kwenkundla kamantyi waseKempton Park bejongene nezityholo zokwaphula umthetho weRegulation of Foreign Military Assistance Act.

Image: Itumeleng English / Independent Newspapers

Umsasazi owaziwayo kanomathotholo, uNonkululeko Mantula, ubephakathi kwabane abebevele enkundleni ngentsasa yangoMvulo ngezityholo zokuthumela abemi boMzantsi Afrika ukuba baye kuzibandakanya nomkhosi waseRussia.

Abarhanelwa bebevele kwinkundla kamantyi eKempton Park. Abarhanelwa abavele nalo msasazi weSAFM (39) enkundleni nguThulani Mazibuko (24), Xolani Ntuli (47), Siphamandla Tshabalala (23), noSfiso Mabena (21) nabajongene netyala lokwaphula umthetho weRegulation of Foreign Military Assistance Act.

Eli qela libanjwe kwisikhululo seenqwelomoya iOR Tambo International Airport kwimpelaveki edlulileyo, kwimizuzwana nje phambi kokuba likhwele inqwelomoya esingise eRussia.

Kutyholwa ngelithi uMantula wadlala indima ebalulekileyo ekufumaneni la madoda ukuba asebenze njengamajoni aseRussia.

Ityala limiselwe uMvulo ozayo.

Eli qela liza kuhlala eluvalelweni de kube lifake isicelo salo sebheyile ngokusesikweni kwiveki ezayo.