Iinzame zokunceda iintsapho ezichatshazelwe yimililo eNtshona Koloni ziyaqhubeka
Amakhulukhulu ashiyeke engenamakhaya emva kokuba amakhaya awo atshatyalaliswe yimlilo eNtshona Koloni.
Image: Uthunyelwe
Iinzame zokunceda iintsapho kwiindawo ezithile eNtshona Koloni ziyaqhubeka emva kokuba amakhulukhulu emizi etshatyalaliswe yimililo kwiindawo ezithile zeli phondo ngempelaveki.
Amaqela ancedayo, amagosa entlekele kunye nemibutho engenanto yakwenza norhulumente inceda uluntu oluninzi lwaseNtshona Koloni oluchatshazelwe ngulo mlilo.
Ngokwengxelo yeIOL, amaqela ngoMvulo ebekumatyotyombe iSiyalahla kwaLanga, nalapho kuthe kwafunyanwa imizimba yamalungu osapho amane. Kule mizimba kwakukho umama osemtsha nabantwana bakhe abathathu, abatshiswe ngendlela abangenakufaniswa. Abeforensiki bafika emva kweeyure ezimbalwa ukuqalisa uphando lwabo.
Ngokwengxelo yeGift of the Givers amaqela aqale athunyelwa eKlapmuts apho umlilo usube umphefumlo omnye phambi kokuba unwenwele eGugulethu, noshiye abantu abamalunga namashumi asibhozo bengenamakhaya ngempelaveki.
Isithethi seGift of the Givers, uAli Sablay, uthe umnxeba wokuqala ufike ngoMgqibelo, emva kwemini uvela kwiinkokeli zasekuhlaleni ezazixakile eKlapmuts, nalapho kuye kwachazwa umntu omnye obhubhileyo.
"Kungekudala emva koko, amaqela athunyelwa eGugulethu, apho umlilo ushiye abantu abamalunga namashumi asibhozo bengenamakhaya.
"Phezolo, njengokuba imimoya ivuthuza ngamandla, umlilo omkhulu uhlasele iNomzamo eStrand, watshabalalisa imizi engaphezu kwekhulu washiya amakhulu bengenamakhaya. Kuqinisekisiwe ukubhubha komntu omnye, kwaye abantu abathathu basiwa esibhedlele."
Amaqela ahambisa izinto eziyimfuneko, ezifana nokutya, iimpahla, kunye neengubo kubantu abachaphazelekayo.