Ingozi ehambisa umzimba eMpuma Koloni
Kwenzeke ingozi emasikizi
Image: EC Transport
Iindaba ezimbi ezingena ngale njikalanga zithi kwenzeke ingozi emasikizi endleleni enguN10 ephakathi kweCookhouse neGqeberha. Kuthiwa ngabantu abahlanu abaphulukene nemiphefumlo engozini ekungqubene kuyo okweenkunzi zegusha izigadla ezibini.
Oku kudizwe lisebe lezothutho kwiphondo leMpuma Koloni namhlanje emalanga. Amagosa ohlangulo sele egalelekile kwindawo yesehlo. Kucingeleka ukuba esinye isigadla besisuka ngaseGqeberha, esinye sisuka ngaseCookhouse. Iinkcukacha ezibangele ingozi zakucaca emva kophando.
IMpuma Kolini yenye yeendawo ezithwaxwa ziingozi ezihamba nemiphefumlo yabantu. Njengokuba kuqala inyanga kaxakeka, kulindeleke ukuba kunyuke nenani leengozi ezindleleni. Ezinye zezinto ezibanjela iingozi sisantya esiphezulu ekuhanjwa ngaso, abaqhuba benxilile nabawela iindlela benxilile.