Iinzame zeDA zokususa uLesufi aziphumelelanga
UPanyaza Lesufi useyiNkulumbuso yaseGauteng emva kokuba iinzame zeDA zokumsusa kwesi sikhundla zingaphumelelanga.
Image: Gauteng Gov / X
UPanyaza Lesufi uza kuhlala eyiNkulumbuso yaseGauteng emva kwevoti eququzelelwe ngumbutho iDemocratic Alliance (DA) ukumsusa, nengaphumelelanga kwindlu yowiso-mthetho yephondo. Oku kuvele ngethuba kubanjwe indibano ngoLwesihlanu nalapho isindululo seDA sokuba makagxothwa uLesufi sikhatywe luninzi lwamalungu kule ndlu.
NgoLwesihlanu, indlu yowiso-mthetho yephondo iphulaphule isindululo seDA sokuba kugxothwe uPanyaza. I-DA ityhola uLesufi ngokuphatha gwenxa izityholo ezinobuqhophololo ezibandakanya iithenda zesibhedlele saseTembisa, kunye namabango okungakhathali malunga nokusekwa kwamagosa othintelo lolwaphulomthetho, aziwa njengaMapanyaza.
Ngexesha lovoto, onke amalungu angama80 eNdlu yoWiso-mthetho yePhondo laseGauteng ebekho, angama54 avota ngokuchasene nesindululo sokususa uPanyeza kunye nama24 esixhasa esi sindululo, elinye ilungu khange livote. Yena uSomlomo akavoti.
Amaqela asikhabileyo esi siphakamiso athi yiDA ngokwayo eyancedisa ekunyuleni uLesufi kunyaka ophelileyo.