Iza kuvela enkundleni intwazana egalele amanzi ashushu elinye igqiyazana ngenxa yendoda
Iza kuvela enkundleni intwazana egalele amanzi ashushu yabetha elinye igqiyazana ngebhotile ngenxa yendoda.
Image: iStock
Intombazana eneminyaka elishumi elinesixhenxe (17) ubudala kulindeleke ukuba ivele phambi kweNkundla kaMantyi eSenwabarwana ngoMvulo we10 kweyeNkanga 2025, ijongene netyala lokuzama ukubulala emva kokuba ithe yagalela inkosikazi eneminyaka engamashumi amabini (20) ubudala ngamanzi ashushu yaza yambetha ngebhotile.
Esi sehlo kuthiwa senzeke kwilali yaseDenstaat kwiSithili saseCapricorn kwiphondo laseLimpopo ngoLwesihlanu, umhla wesixhenxe kweyeNkanga 2025 malunga nentsimbi yethoba ebusuku.
Ngokwesithethi samapolisa aseLimpopo, uColonel Malesela Ledwaba, kutyholwa ukuba ixhoba lasetyhini elineminyaka engamashumi amabini (20) ubudala lalilele ngethuba umrhanelwa elivusa waxabana nalo ngemifanekiso ekutyholwa ukuba uyifumene kwifowuni yesithandwa sakhe.
"Ngethuba le ngxabano ebishushu, umrhanelwa ugalele ixhoba ngamanzi ashushu waze walibetha amatyeli amaninzi entloko nasebusweni ngebhotile.
"Ixhoba lonzakele kakhulu laze lasiwa kwisibhedlele sasekuhlaleni ukuze lifumane unyango. Amapolisa abizelwa ngoko nangoko kwindawo yexhwayelo, kwaza kwavulwa ityala lokuzama ukubulala. Umrhanelwa wabanjwa ngokukhawuleza emva koko," utshilo uLedwaba.
Uphando lwamapolisa luyaqhuba.