Kubanjwe indoda efunyenwe neepilisi zeziyobisi ezingaphezu kwewaka KwaNojoli
Iipilisi ezingaphezu kwewaka zeziyobisi zemandrax ezafunyanwa ngamapolisa.
Image: SAPS
Indoda, 29, ibanjwe KwaNojoli emva kokufunyanwa ineziyobisi – iipilisi zemandrax ezingaphezu kwewaka.
Oku kubanjwa kuququzelelwe licandelo lamapolisa eCookhouse Highway Patrol Unit emva kokufumana ulwazi olukhokelele kumrhanelwa obeneepilisi ezininzi zemandrax ebekumele ukuba zisasazwe KwaNojoli, sitshilo isithethi samapolisa uKapteni Marius McCarthy.
Iipilisi ezingaphezu kwewaka zeziyobisi zemandrax ezafunyanwa ngamapolisa.
Image: SAPS
"NgoLwesibini, umhla wesibhozo kweyeKhala 2025, amapolisa afumene ulwazi oluthembekileyo malunga nesicwangciso sokuhanjiswa kweziyobisi ukusuka eGqeberha ukuya KwaNojoli. Ulwazi lwalandelwa ngoko nangoko, kwaye uhlolo lwezithuthi lwaqhutywa kwindlela kazwelonke uN10," utshilo uMcCarthy.
Ingxelo yamapolisa ithi amapolisa amisa agqogqa iteksi ehambelana nenkcazelo enikiweyo. Amapolisa abhaqa ibhegi yomrhanelwa eneepilisi eziyi1030 zemandrax.
Umrhanelwa ubanjwe kwindawo yexhwayelo ngenxa yokuthengisa iziyobisi kwaye kulindeleke ukuba avele phambi kwenkundla kamantyi waKwaNojoli kungekudala.