Amapolisa aseMthatha akhangela indoda elahlekileyo
|Published
UMayeza Oyama Don waseSouthridge Park eMthatha olahlekileyo.
Image: SAPS
Amapolisa aseMthatha akhangela indoda elahlekileyo eneminyaka engamashumi amathathu (30) ubudala, uMayeza Oyama Don waseSouthridge Park eMthatha nogqityelwe ukubonwa ngeCawe umhla we15 kweyeSilimela 2025 malunga nentsimbi yesithathu emva kwemini esendleleni eya eCoffee Bay eMqanduli.
Ngokwengxelo ephuma kwisithethi samapolisa, uKapteni Welile Matyolo, ugqityelwe ukubonwa enxibe ijini eblue, ijezi egreyi kwakunye neetekkie.
Nabani na onokuthi ancede amapolisa ngolwazi ngendawo akuyo angatsalela umcuphi waseMthatha SAPS uConstable Dlakavu Bonginkosi ku071 475 2058 okanye atsalele inombolo yeCrime Stop ku08600 10111.