Amapolisa afumene izixhobo zemoto kumlambo iHennops eCenturion, kwaye kukholeleka ukuba ezi zixhobo zezemoto iVW Polo ebikhwele amapolisa amathathu abhubhileyo.
Image: SAPS
Amapolisa afumene izixhobo zemoto kumlambo iHennops River eCenturion, nekukholelwa ukuba zezeVW Polo ebihamba amapolisa amathathu abhubhileyo nafunyenwe kutshanje emva kokuduka iintsuku.
Oku kuza emva kokuba imizimba yala mapolisa, uKeamogetswe Buys (30), uBoipelo Senoge (20) noCebekhulu Linda (24) efunyenwe kulo mlambo ngoLwesibini emva kokuba belahlekile kangangeentsuku ezintlanu.
NgoLwesithathu, isithethi seNkonzo yamaPolisa oMzantsi Afrika (SAPS), uBrigadiya uAthlenda Mathe, uthe ibhampa yangaphambili nasemva ifunyenwe ecaleni kwebhatyi ebhanyabhanya (reflector jacket) kaLinda.
UMathe uthe iingcali zikwiphulo lokufumanisa ukuba ezi zixhobo zemoto zinento ezidibanisa neVW Polo ebisetyenziswa ngamapolisa amathathu.
Iindadi eziphuma kwiiarhente ezahlukeneyo, eziquka iSAPS Special Task Force neSearch and Rescue South Africa, zifumene into yentsimbi ekrokrelekayo malunga neekhilomitha ezine ukusuka kuN1, abakholelwa ukuba inento yokwenza nesithuthi esilahlekileyo.
"Le nto yentsimbi ibiviwe ziindadi kumgama oziikhilomitha ezine ukusuka kuN1. Akukho siqinisekiso okwangoku sokuba le nto yentsimbi igqunywe ngobutyobo," utshilo uMathe.
La mapolisa mathathu agqityelwe eGauteng ngentseni yangoLwesine, phambi kokuduka kwawo ngendlela engaqondakaliyo. Bebesuka eFreyistata, bedlula eGauteng besingise eLimpopo.
Kanye emva kokushiya isikhululo samafutha, isixhobo sokulandela umkhondo wesithuthi samapolisa kunye neefowuni zacinywa.
Esi sithathu sasihamba ngemoto yohlobo lweVW Polo enenombolo yobhaliso ethi JCL 401 FS.
UMphathiswa wamaPolisa uSenzo Mchunu uye wavakalisa amazwi ovelwano kwiintsapho zamapolisa abhubhileyo, ebongoza uluntu ukuba lujongane nalo mba ngovakalelo.
"Nangona ukhululekile ukuvakalisa izimvo zakho, yiba nemfesane kunye novelwano ngalo mba ubuthathaka kwaye ungathethi izinto zobuxoki ngokwenzekileyo ugqwethe inyaniso ngentelekelelo," utshilo.