Amapolisa aseMpuma Koloni angqinile ukuba umrhanelwa onxulumene nesiganeko sokudubula eWSU ubanjiwe.
Image: File
Umrhanelwa, 54, noyayanyaniswa nesiganeko sokudubula kwiYunivesithi iWalter Sisulu ngoLwesibini wale veki ubanjwe namhlanje eMthatha. Ubekwe ityala lokubulala kwanelokuzama ukubulala, oku kuqinisekiswe ngamapolisa aseMpuma Koloni.
Isithethi samapolisa uBrigadier Nobuntu Gantana uthi uza kuvela enkundleni ngomhla wama22 kuTshazimpuzi 2025. "Nangona oku kubanjwa kulinyathelo elibalulekileyo, uphando luyenzeka. Akukho zinkcukacha zingaphaya ziya kukhutshwa ngeli xesha ukugcina ingqibelelo yetyala. Uhlaziyo luya kubonelelwa ngokufanelekileyo," utshilo uGantana.
Oku kubanjwa kulandela uqhanqalazo olwenzeka kwikhampasi yale yunivesithi eMthatha ngentsasa yangoLwesibini, umrhanelwa kutyholwa ukuba udubule abafundi abathathu – umfundi omnye, uSisonke Mbolekwa obhubhileyo, nabanye ababini, uNtando Gqetywa noLizwa Ndzumo, abonzakeleyo.
Le yunivesithi isematheni kule veki kulandela olu qhankqalazo nendlela abawuphethe ngayo lo mba. Ekuqaleni, bathi umfundi ongasekhoyo wayengengomfundi kweli ziko lemfundo, kodwa kamva bangqina ukuba ebefunda kule yunivesithi.
Iyunivesiti iye yaqinisekisa ukuba izenzela olwayo uphando ngalo mba.