• Iindaba
  • Ezemidlalo
  • Ezoyolo
  • Izimvo
  • Entsimini
  • Entsimini English
  • English
I'solezwe lesiXhosa
I'solezwe lesiXhosa liphephandaba lesiXhosa elipapasha iindaba yonke imihla kumnatha wonxibelelwano. Singooqal'azive abahleli bebaze iindlebe ngeenjongo zokuphakela wena, mfundi wephepha, iindaba ngokukhawuleza nangobunjalo bazo.
Sections on Isolezwe lesiXhosa
  • Iindaba
  • Ezemidlalo
  • Ezoyolo
  • Izimvo
  • Entsimini
  • Entsimini English
  • English
Our network
  • Athlone News
  • Atlantic Sun
  • Bolander
  • CapeTowner
  • Constantiaberg Bulletin
  • DFA
  • False Bay Echo
  • I'solezwe lesiXhosa
  • Northern News
  • Plainsman
  • Sentinel News
  • Southern Mail
  • Southern Suburbs Tatler
  • TableTalk
  • Vukani
  • DurbanLocal
© 2025 Independent Online and affiliated companies. All rights reserved.
Press CodePrivacy PolicyTerms & ConditionsAdvertise with usContact UsComplaints Procedure
Iindaba

UMabuyane uthi bathatha amanyathelo angxamisekileyo kwityala likaCwecwe

Cwayita Nondula|Published 2 days ago

UMabuyane uthi bathatha amanyathelo angxamisekileyo kwityala likaCwecwe

Image: File Image

Kwityala lodlwengulo elibandakanya intwazana eneminyaka esixhenxe ubudala eyaziwa ngelikaCwecwe, iNkulumbuso yeMpuma Koloni uLubabalo Oscar Mabuyane iqinisekisa uluntu ngamanyathelo angxamisekileyo athatyathwa ngabezomthetho nabasemagunyeni kurhulumente. Esi sehlo senzeke ngenyanga yeDwarha ka2024 kumfundi wesikolo iBergview College eMatatiele, kumasipala wesithili saseAlfred Nzo.

Kwingxelo, iNkulumbuso uMabuyane uvakalise intsebenziswano noluntu ngokukhalimela ulwaphulo-mthetho olumasikizi watsho wadlulisa inkxaso yakhe kuCwecwe nakusapho lwakhe. Ukwancome abazali balo mntwana ngokomelela kwabo nokumnika inkathalo nenkxaso ngeli xesha linzima.

Ukusukela oko kwenzeka esi siganeko, oonontlalontle baseMatatiele baye bangenelela ukunika inkxaso ngokwasengqondweni kuCwecwe nakusapho lwakhe, beqinisekisa ukuba bayalufumana uncedo olufunekayo ukumelana nale meko. ISebe lezeMfundo eMpuma Koloni kutshanje livakalise iinjongo zalo zokuvala isikolo iBergview College, inyathelo eligxininisa ukubeka phambili ukhuseleko lwabafundi ukuze kuthintelwe iziganeko ezifana nezi kwixa elizayo.

Le ngxelo iqhuba ithi uMabuyane ukwaqaphele elinye ityala lodlwengulo elibandakanya umntwana omncinci, uAlu, elenzeke kweyeNkanga ngo2024. Kuthiwa kweli tyala, umrhanelwa wabanjwa, wavela enkundleni kwangaloo nyanga.

"INkulumbuso iyakwamkela ukuzibophelela koMphathiswa wamaPolisa, uSenzo Mchunu, oqinisekise uluntu ukuba abezomthetho bawuphathe ngokungxamisekileyo lo mba. Ucele amapolisa ukuba enze uphando olucokisekileyo kwaye aqinisekise ukuba ityala eliqinileyo liyasiwa phambi kwenkqubo yezobulungisa," itshilo iOfisi yeNkulumbuso kwingxelo.

INkulumbuso uMabuyane njengabo balwela iGBVF nabantu abaxhalabileyo, umemelela "uBulungisa kuCwecwe" (Justice for Cwecwe). Uthembise ngelithi urhulumente wephondo uza kuqhubeka enika inkxaso kusapho oluchaphazelekileyo logama ebeke iliso elibukhali kuzo zonke izinto eziyamene nala matyala. Esi sithembiso sokusebenzisana someleza ukuzinikela kukarhulumente ekulweni ubundlobongela obujoliswe ebantwaneni kunye nokubuyisela ukholo kwinkqubo yezobulungisa.