UMongameli waseUkraine uVolodymyr Zelensky noMongameli waseMzantsi Afrika uCyril Ramaphosa.
Image: Sergei Supinsky / AFP
UMongameli welizwe laseUkraine uVolodymyr Zelensky uza kutyelela eli loMzantsi Afrika kwinyanga ezayo ngomhla weshumi kutyelelo lwaseburhulumenteni.
Ingxelo ithi uZelensky uza kweli ngeenjongo zokusungula amaqhina ozakuzelwano kwakunye nelizwe loMzantsi Afrika.
Ela lizwe lisapholisa amanxeba emva kokuba lijijisene kwimfazwe ebishushu nelizwe laseRussia isithuba esingaphezu konyaka.
Ukusukela ngenyanya yeSilimela ngonyaka ka2023 ilizwe laseRussia lihlasele ngamandla ilizwe laseUkraine ngenxa yokungaboni ngasonye kwiingxaki zemida.
UZelensky utyelela eli emva kokuba ebetyelele ilizwe laseMelika waphuma bengavananga noMongameli welizwe laseMelika, uDonald Trump.
USekela N,obhala wombutho weANC, uNomvula Mokonyane, uthethe egameni leANC evakalisa iinkxaso yabo kwintlanganiso kaCyril Ramaphosa noZelensky.
"Siyaluxhasa ngamandla utyelelo lukaMongameli Zelensky eMzantsi Afrika, kaloku sililizwe elizilimeleyo elikhululekileyo ukuba lingasungula ubuhlobo naye nabani kwihlabathi," ucacise watsho uMokonyane. Uthi ngurhulumente weANC owaba ngowokuqala ukuthumela igqiza lamagosa karhulumente kwela lizwe laseUkraine.
"YiANC eyacela uMongameli wethu ukuba atyelele ela lizwe ngexesha ekwakukubi kakhulu, oku kwakubonisa ukuba kule mfazwe yeRussia neUkraine asithathi cala," ucacise watsho uMokonyane.
Ilizwe loMzantsi Afrika liqogene ngamandla kubudlelwane bezopolitiko nelizwe laseRussia elithe gqolo ukuhlasela ilizwe laseUkraine. Ilizwe laseUkraine liphakathi kwamazwe ahamba phambili ukuvelisa ingqolowa kwihlabathi,imfazwe eqhubeka kwelalizwe ibangele ukuphazamise korhwebelwano nelalizwe.