Ukutyelelo eMzantsi Afrika uMongameli waseNamibia
UMongameli weli, uCyril Ramaphosa, wamkele ngokusesikweni uMongameli welizwe laseNamibia, uGqirha Nangolo Mbumba, okutyelelo kweli. Olu tyelelo lujoliswe ukuqhubela phambili amaqhina ozakuzelwano phakathi kwala mazwe mabini.
URamaphosa wamkele lo Mongameli eGenadendal phantsi kwentaba etafile eKapa, eqhubela phambili imbali yokusebenzisa la ndawo ukwamkela iinkokheli ezisuka ngaphandle.
IGenadendal yenye yeendawo eziphambili ezisetyenziswe amaxesha amaninzi ukwamkela ooMongameli abaphuma kwihlabathi abatyelele eli.
Amaqhina ozakuzelwano phakathi kwala mazwe mabini asuka kwixesha lomzabalazo apho umbutho weANC kwakunye neSouth West African People’s Organisation (SWAPO) babeqhogene ukuzama ukukhulula amazwe abo. Ilizwe laseNamibia laliphantsi kweJamani ngalo maxesha laze lakhululwa ngumzabalazo weSWAPO incediswa yiANC.
La mazwe mabini ayasebenzisana ukuthengiselana iimveliso zolimo eziquka inyama yenkukhu, umbona, ingqolowa nezinye. Inyama yenkomo yeli nayo ithengiswa ngamanani aphezulu kwela lizwe laseNamibia.