I-ACSA iqinisekisa ukulibaziseka kweenqwelomoya kwisikhululo saseMonti
Iinqwelomoya ziye zalibaziseka kwisikhululo seenqwelomoya iKing Phalo eMonti ngenxa yemozulu embi.
Inkampani yesikhululo seenqwelomoya eMzantsi Afrika (ACSA) iqinisekise ukulibaziseka kweenqwelomoya kwisikhululo seenqwelomoya iKing Phalo eMonti. Oku kungenxa yeemeko zemozulu ezimbi namhlanje, ngoLwesibini, we22 kweyeDwarha 2024. Olu phazamiseko luchaphazele iinqwelomoya ezingenayo neziphumayo.
“Olu phazamiseko kwisikhululo seenqwelomoya iKing Phalo luchatshazelwe kukusilela kweAir Traffic and Navigation Services (ATNS) ukusebenza njengesiqhelo. I-ACSA kunye neATNS baququzelela iinzame zokulungisa oku kunye nokubuyisela ukusebenza kweenqwelomoya ngokukhawuleza,” sitshilo isithethi seACSA, uErnest Mulibana.
Abakhweli bayacetyiswa ukuba bahlale benxibelelana neenkampani zeenqwelomoya ukuze bafumane ulwazi lwamva nje malunga nokurhoxiswa nokulibaziseka kweenqwelomoya.
Bonke abakhweli abachatshazelwa lulibaziseko bakwacetyiswa ukuba baqhagamshelane nezi nkampani zeenqwelomoya ngokuthe ngqo ukuze bafumane ulwazi malunga nokubhukisha kwakhona kunye nokuqinisekisa ubume benqwelomoya abazoyikhwela phambi kokuba baye kwisikhululo seenqwelomoya.