UStanley Nwabali umkile kwiChippa United
UStanley Nwabali, obengumdlali weChippa United, ukhululwe namhlanje.
Image: Facebook
Iindaba ezingenayo zithi uStanley Nwabali uhambile kwiChippa United. Ezi ndaba zidizwe liqela kwingxelo ebhaliweyo epapashwe kumakhasi onxibelelwano namhlanje. "UNwabali ufake isicelo sokulishiya iqela. Emva kokuqwalasela isicelo sakhe, kugqitywe kwelokuba akhululwe," itshilo iChippa United.
UNwabali uhamba emva kokuqhuba kakuhle kwakhe kwiqela lesizwe laseNigeria elithathe inxaxheba kwiAfrica Cup of Nations ebibanjelwe eMorocco kwiiveki ezidlulileyo. Emva kokudlala kakuhle kwiChippa United nakwiNigeria eminyakeni edlulileyo, ebesoloko esoyanyaniswa nokuya kwiKaizer Chiefs naseSaudi Arabia.
Akukacaci nokuba uNwabali uya phi emva kokukhululwa kwakhe. Ukusukela oko kuqala lo nyaka, uDumisani Msibi ebesoloko engunozinti osetyenziswa nguVusumuzi Vilakazi emidlalweni yeChippa United. Ingxelo egcweleyo iza kulandela xa kuvele ezinye iinkcukacha.