AmaZulu abethe iTS Galaxy anyukela phezulu
AmaZulu anyukele phezulu emva kokubetha iTS Galaxy emdlalweni obuseMoses Mabhida Stadium namhlanje emalanga.
Image: AmaZulu
Anyukele kiwndawo yesihlanu AmaZulu emva kokuzuza amanqaku amathathu. Oku kwenzele emva kokuba eguqise phantsi iTS Galaxy ngamagowuli amathathu kwamabini emdlalweni weBetway Premiership obuvutha bhe eMoses Mabhida Stadium, eThekwini, ngenjika langa yanamhlanje.
Omabini amaqela angene emdlalweni wanamhlanje ekhuthazekile emva kokuqhuba kakuhle emidlalweni egqithileyo. AmaZulu, abeqala ukudlala kulo nyaka, avale unyaka ka2025 ngokubetha iGolden Arrows ngegowuli elinye. Kanti yona iTS Galaxy izibethele iMarumo Gallants ngamagowuli amabini eqandeni emdlalweni ebuseNelspruit.
Kuyiwe kwixesha lokuphumla kungekho qela elikwazileyo ukubhalisa ebhodini - kodwa izinto ziye zajika kwisigaba sesibini. UVictor Letsoalo ubhakuzelise umnatha emzuzwini wamashumi asixhenxe.
Uphendule uNgwenya emva kwakhe. uZindonga ubeke phambili iTS Galaxy, kodwa waphindisa uMbanjwa. UNgwena ufake igowuli lesithathu atsho aphumelela AmaZulu anyukele kwindawo yesihlanu namhlanje. Ashiywa kancinci yiSundowns, Pirates neChiefs ezingasentla kwawo.