Ithe ngcu phezulu iSunrisers Eastern Cape elwela ukuphakamisa indebe kwakhona
Iqela laseMpuma Koloni libethe elaseGauteng emdlalweni weqakamba obubanjelwe eGqeberha.
Image: SA20
Iqela laseMpuma Koloni leqakamba liphinde lenza umtsi omkhulu oya phambili. Oku kwenzeke emva kokuba iSunrisers Eastern Cape ibethe iJoburg Super Kings ngemitsi engamashumi amathandathu anesithathu emdlalweni obuseSt George's Park Stadium kule veki.
Ukuphumelela kweqela leqakamba lasephondweni kulithathe kwalibuyisela phezulu kwiBetway SA20. Ngaphezulu koko, iSunrisers Eastern Cape ibe liqela lokuqala elikwazileyo ukuzibekela indawo kwisigaba esilandelayo (Playoffs) semidlalo yeSA20.
Ihleli phezulu ngoku emva kokuqokelela amanqaku angamashumi amabini anane. Umdlali oncede iSunrisers Eastern Cape emdlalweni nguJames Coles oqhokre iibhola ezingamashumi amathathu anesine wafumana amashumi amathandathu ananye emitsi engaphumanga.
Ebeqala ukudlalela iqela leqakamba laseMpuma Koloni elilwela ukuphumelela indebe yeSA20 ityeli lesithathu. Ngomso ngorhatya, iSunrisers iza kuthathana neMI Cape Town emdlalweni oza kube useNewlands Stadium.