Kuchasele ithamsanqa emdlalweni iChiefs ebambene kuwo neTS Galaxy
Kuchasele
Amakhosi adlale ntanganye neTS Galaxy emdlalweni weBetway Premiership obubanjelwe eMbombela Stadium namhlanje emalanga.
Image: Kaizer Chiefs
Idlale kakuhle kakhulu iKaizer Chiefs - kodwa ibhola ayivumanga kwaphela ukungena emnatheni. Oku kwenzeke ngethiba iChiefs ibambana ngeqanda neTS Galaxy emdlalweni weBetway Premiership obushushu eMbombela Stadium namhlanje emalanga.
Ngelishwa lawo Amakhosi, avala unyaka engayifumananga impumelelo abeyidinga emdlalweni wanamhlanje. Emva kwemidlalo elishumi elinesithathu, Amakhosi ahleli kwindawo yesine emva kokuqokelela amashumi amabini anesine amanqaku kwisizini eqhubekayo.
Adlale kakuhle Amakhosi kuzo zozibini izigaba zomdlalo. UMatlou noMaboe benze umsebenzi ococekileyo esiswini futhi ngabo abancedi iqela elikwazileyo ukudala inqwaba yamathuba emdlalweni. Amakhosi aza kugoduka iintliziyo ziqaqamba ngoba igowuli likaDa Silva khange livunywe ngusompempe othe ulalele engalalelanga.
Umdlali weTS Galaxy uye wanikwa ikhadi elibomvu emva kokudlalisa kakubi uVelebhayi. Iphantsi yafumana igowuli iTS Galaxy ngebhola kaZindonga ebethe epalini emizuzwini yokugqibela. Imidlalo yeBetway Premiership iza kumiswa kude kuphela iAfrica Cup of Nations eza kube ibanjelwe eMorocco ekuthambekeni kwale nyanga.