iChippa United idibana nePirates ngexesha elibi
iChippa United iza kwamkela i'Orlando Pirates emdlalweni weBetway Premiership namhlanje emalanga eNelson Mandela Bay Stadium.
Image: Yanga Nothanga/Maya Images
Kulindele ukuba kudlane iintsimbi xa kudibana iChippa United ne'Orlando Pirates emdlalweni weBetway Premiership oza kube useNelson Mandela Bay Stadium ngentsimbi yesithathu emalanga namhlanje. Iqela laseMpuma Koloni lamkela iPirates lisantywile engxakini yokungaphumeleli mdlalo.
Nakubeni kunjalo, iChippa United iza kulwela amanqaku amathathu ukuze iphucule indawo ekuyo. Idibana nePirates ngexesha elibi ikelemile. Ezimnyama zinyathelela phezulu emva kokubetha iStellenbosch FC ne'Orbit College ngokulandelelana emidlalweni yeBetway Premiership.
Kwelinye icala, iChippa yagqibela ibifumana inqaku elinye emdlalweni wokuqala eyawudlala neMamelodi Sundowns. Kweminye imidlalo yabethwa yiDurban City, iTS Galaxy neRichards Bay enamanqaku amane ngoku nakubeni ibiyiqale kakubi isizini.
Okuthe kwenza izinto zambi ngakumbi kukugxothwa komqeqeshi emva kwemidlalo emibini.