USipho Chaine ongunoznti we'Orlando Pirates ebethe iMamelodi Sundowns emdlalweni weBetway Premiership obubanjelwe eFNB Stadium izolo emalanga.
Image: Itumeleng English Independent Media
Umqeqeshi we'Orlando Pirates ubaqhwabele izandla abadlali bakhe emva kokwenza umsebenzi omhle emdlalweni obungempelaveki egqithileyo. UJose Riveiro ulele echwayitile ngenxa yePirates eguqise phantsi iMamelodi Sundowns ngamagowuli amabini kwelinye emdlalweni weBetway Premiership obubanjelwe eFNB Stadium emalanga izolo.
Omabini amagowuli wePirates ebuyise izitya afakwa sisiququ, uRelebohile Mofokeng, kwangoko kakhulu kwisigaba sokuqala somdlalo obubukelwe ngabantu abangaphezulu kwamashumi amahlani amawaka eSoweto. Igowuli leSundowns efike yabika ngalo lifakwe nguKhuliso Mudau sekhuphela ixesha kwisigaba sesibini somdlalo.
Umqeqeshi uthe abadlali bakhe benze umsebenzi ebaleni ngendlela abebecwangcise ngayo. Amanqaku amathathu ayincedile iPirates yatsho yacutha umsantsa phakathi kwayo neSundowns wayokutsho kwishumi elinesihlanu lamanqaku. Ukubethwa kweSundowns izolo kuyibambezele okomzuzwana - kodwa yona isekhondweni lokuyigcina indebe yeBetway Premiership, ngaphandle kokuba ingabethwa emidlalweni emininzi eshiyekileyo ngoku.
"Ewe, iqela lidlale kakuhle kakhulu. Kunzima ukudlala neSundowns ngoba idlala kakuhle. Isiqalo sethu emdlalweni besisihle ngoba sifumene igowuli kwangoko. Ekugqibeleni, ide yasithi abakhokela kuqala xa sidlala neSundowns. Ukufumana igowuli lesibini ibiyenye into," utshilo umqeqeshi ngovuyo olukhulu emva komdlalo.
URiveiro uthe kuye kwanyanzeleka ukuba iPirates izame ukulungisa iimpazamo zayo emva kokubethwa yiSundowns kakubi kwiiveki ezigqithileyo. "Ndivuyisana nabadlali emva kokuzibonakalisa ukuba bangoobani emdlalweni omkhulu," utshilo uRiveiro.
Related Topics: