UManqoba Mngqithi uyivumile induku - kodwa uthi akanalo uvalo!
Abalandeli beMamelodi Sundowns bavakalise ukungonwabi kwabo emva kokuba iqela labo libethwe kabini amatyeli elandelela lakhutshwa kwiMTN8. Bekufanele kube njalo ngoba indlela yeSundowns inqanyulwe yiStellenbosch FC ephumelele ngegowuli elinye eqandeni emdlalweni weMTN8 obunzima eMoses Mabhida Stadium ngempelaveki. Igowuli elitshabalalise ithemba labalandelii beSundowns lifakwe nguLehlogonolo Mojela ekuqaleni kwisigaba sesibini somdlalo.
UMojela ufake igowuli ngebhola entle ayinikwe nguDe Jong owoyise abadlali seSundowns emhlabeni kanozinti. Ngalo ndlela, iSundowns ibethwe ngo'2-0 kwiMTN8 ngoba ibibethwe ngo'1-0 nasemdlalweni obungoLwesithathu weveki ephelileyo. Okwenze kubekho ukungonwabi kukuba iSundowns idumene ngokuthatha iindaba futhi ayikuqhelanga ukungaphumeleli izihlandlo zilandelelana. Uvumile ukuba ubethiwe umqeqeshi kodwa wayincoma indlela abadlale ngayo abadlali emva.
"Ukuhlala emva kuyincedile iStellenbosch. Ndicinga ukuba sibethwe kukungawasebenzisi amathuba. Emva sidlale kakuhle - kodwa ingxaki esibethileyo zizigqibo zethu emhlabeni weStellies. Nangona kunjalo, ndicinga ukuba indlela esidlale ngayo ibhetele kunomdlalo obuphakathi evekini," utshilo uMngqithi obethe yiSundowns eza kuthatha iMTN8 kuqala ngoku ihamba neshumi lezigidi. Ngaphambili, iDowns yamsusa ebethwe kwiMTN8 ukuze kungene uRulani Mokwena.
"Andinalo uvalo. Into engandonwabisiyo liqela esililungise ixesha elide elingade lidlale kakuhle. Okwangoku, abadlali abakadibani ngendlela esifuna ngayo. Ngelishwa, yinyaniso leyo esijongene nayo ngoku. Abadlali bethu abaqhelekileyo basasokola - kodwa ndicinga ukuba abadlali bethu abatsha badlale kakuhle. UKodisang udlale kakuhle. UManoe noMorena bangene badlala kakuhle. Kanti naye uRibeiro udlale kakuhle enoMokoena esiswini. Ngelishwa asikwazanga ukudala amathuba acacileyo emdlalweni," utshilo uMgqithi.