Uvaliwe umboniso wezolimo iNampo
Umlenze wokuqala womboniso iNampo uye waqukunjelwa.
Image: Facebook
Ufikelele esiphelweni namhlanje umhla weshumi elinesithandathu kwinyanga kaCanzibe owona mboniso umkhulu wamafama kweli iNampo nobubanjelwe eBothaville eFreyistata ukusukela ngomhla weshumi elinesithathu ukuza kuma namhlanje.
Lo mboniso waqala ukuqhubeka kwifama ethile kula ngingqi ngonyaka ka1967 ngeenjongo zokunika amafama ithuba lokuba abonise esidlangalaleni iimveliso zawo.
Ulwazi, iingcebiso nokufundisa zizicwangciso zokulwa iingxaki zezolimo ezizezinye zezinto eziphambili kulo mboniso.
Inkampani yakwaGrain South Africa engutshotshentla ngokuvelisa iimveliso zenkozo kweli loMzantsi Afrika ingumnikazi walo mboniso.
Lo ngumlenze wokuqala walo nyaka walo mboniso, olandelayo kulindeleke ukuba uqhubeke ngeyoMsintsi kumazantsi weKapa eBredasdorp, ukuze owokugqibela umlenze walo mboniso ubuyele eBothaville ekupheleni konyaka.
UMongameli weli uCyril Ramaphosa ebesesinye sezitatanyiswa ebezizimase lo mcimbi, kuquka nabaphathiswa borhulumente wendibanisela abaquka uMphathiswa wezolimo uJohn Steenhuisen.