Iindaba

Ubhaqwe ezimele eKapa owelizwe langaphandle owamosha eGqeberha

Abongile Ginya|Published

Ugwetywe iminyaka engama22 owelizwe langaphandle uJacob “Smallboy” Ndaumba.

Image: Umfanekiso ogciniweyo

INkundla yeNgingqi yamaTyala eGqeberha imgwebe iminyaka engamashumi amabini anesibini (22) uJacob “Smallboy” Ndaumba (40) emva kokumfuna enetyala lokuphanga kwanokuqhekeza kumzi oseWalmer ngonyaka ka2021.

Ngokwengxelo yesithethi seeHawks eMpuma Koloni, uWarrant Officer Ndiphiwe Mhlakuvana, ithi, ngomhla wama23 kweyoMqungu ka2021, ekuzeni kusa usapho oluthile langenelwa ngenkani kwikhaya lawo eWalmer ngamadoda amane awayexhobile.

Ngaphakathi kolu sapho afika afuna imali ngenkani, afuna umpu ze afuna nobucwebe. Amaxhoba athathelwa imali engangeR71 200 kuquka nezi zixhobo.

UMhlakuvana uthi uNdaumba wabanjwa ngo2023 eLangebaan, eNtshona Koloni, ebanjwa malunga netyala lokuqhekeza awalenza eKapa.

UNdaumba waye wavela ukuba unetyala naseMpuma Koloni awalenza ngo2021 neye wathunyelwa eBhayi kwinyanga ephelileyo kweyoMsintsi.

NgoLwesibini kule veki inkundla imgwebile uNdaumba, imgwebe iminyaka elishumi elinesihlanu ngokuphanga ze yamgweba esixhenxe eyokuqhekeza indlu.