Abonelelwe ngeebhedi zokulala amaxhoba entlekele
Ngethuba kusothulwa iibhedi eziyi 80 ebeziziswe kumaxhoba entlekele yemvula eMaiden Farm eMthatha
Image: UTHUNYELWE
Zingamashumi asibhozo iibhedi zokulala zodidi oluphezulu ezithe zanikwa amaxhoba ashiyeka engenawo amakhaya amanye engenazibhedi ngenxa kanogumbe wemvula.
Umphathiswa woPhuhliso loLuntu eMpuma Koloni, uBukiwe Fanta, isifundisi sebandla iAssemblies of God, iKing Sabatha Dalindyebo nosomashishini, babuyise isidima samaxhoba kwanethemba eMaiden Farm, eMthatha, ngoLwesibini kule veki.
Le nkqubo ibiqhutywa eMaiden Farm ibingapha kokuzisa iibhedi, okona ibikukubonisa ukuzinikela kukarhulumente ekwakheni ubomi bamaxhoba, ukubuyisa ithemba kwanesidima.
Kusenjalo, ngoLwesithathu kule veki, abahlali baseMthatha babambe umngcelele basa uxhwebhu labo lezikhalazo ngelibanga ukwakhelwa izindlu ingakubi abanye babo bangamaxhoba entlekele eyasuba imiphefumlo yabantu abayi103 kwinyanga yeSilimela kulo nyaka.