Kubhubhe wamnye, ababini bonzakala kwingozi yemoto!
Isonka esiwe kwisigadla esithwala isonka ngethuba singqubana nesinye ngentseni yangoLwesihlanu kwindlela uR72.
Image: ECDoT
Zingqubene ngeentloko izigadla ezimbini ngale ntsasa yangoLwesihlanu kwindlela uR72 phakathi kwaseAlexandria (Emnyameni) naseKenton nalapho le ngozi isube umphefumlo wamnye.
Ngokwengxelo yeSebe lezoThutho noKhuseleko eMpuma Koloni, ithi, esinye sezi gadla esithwala isonka besisiya ngaseAlexandria logama esinye besibuya khona.
Izigadla ezibini ezingqubene ngentseni yangoLwesihlanu kwindlela uR72, kubhubhe wamnye konzakala ababini.
Image: ECDoT
Ezi zigadla zingqubene ekuseni ngezithuba zentsimbi yesithandathu nanjengoko esi sithwala isonka isigadla besihambisa isonka kwiivenkile zaseMnyameni njengesiqhelo.
Obhubhileyo kule ngozi ngumqhubi wesi sigadla esi sithwala isonka, obehamba naye ufumene umonzakalo. Umqhubi wesinye isigadla usindile naye wafumana umonzakalo nabaye bathunyelwa kwisibhedlele saseLivingstone eGqeberha ekubeni bayokufumana unyango.
Isithethi seSebe u-Unathi Binqose uthi iqwakuqwaku livuliwe kwaye liza kuphandwa ngamaPolisa.