Kukhangelwa ibanjwa eliqhawule ejele ngethuba ecoca amabanjwa
UThulani Gcaleka okhangelwayo noqhweshe izolo (Lwesine) kwijele yaseMaritzburg, KwaZulu-Natal.
Image: DCS
ISebe leeNkonzo zoLuleko KwaZulu-Natal libongoza intsebenziswano kuye naye nabani na onokubona uThulani Gcaleka alwazise ngokukhawuleza.
UGcaleka, nonesigwebo sobomi, uqhawule ngoLwesine kule veki kwijele iSevontein Correctional Centre eMaritzburg ngethuba kucocwa iyadi yejele.
Kwingxelo ebhaliweyo yeli Sebe, ithi uGcaleka ebeyinxalenye yeqela lamabanjwa ebeyalelwe ekubeni acoce iyadi yejele nekulapho aye wafumana ithuba lokuqhawula azimele.
Iqhuba ithi uGcaleka ngaphakathi kule jele uchitha isigwebo sakhe sobomi emva kokuba wafunyanwa yiNkundla yamaTyala enetyala lokuzama ukubulala, ukudlwengula, ukuzama ukudlwengula nelokuphanga umzi.
ISebe lithi uphando lwangaphakathi malunga nokuqhwesha kukaGcaleka luyaqhuba.
UGcaleka useselubhacweni akakabanjwa.