Ibanjiwe indoda ebhaqwe inomakufanwe wamaPolisa nemipu eMthatha
Umakufanwe wamaPolisa ubhaqwe kwikhaya lomfana (29) kwaNew Payne eMthatha kwafunyanwa nemipu neembumbulu.
Image: SAPS
AmaPolisa aseMthatha abambe indoda (29) eyibambela kowayo kwaNew Payne nebhaqwe inemipu emine, iimbumbulu kwakunye nevesti yokuzikhusela neye isetyenziswe ngamaPolisa.
Ngokwengxelo yesithethi samaPolisa, uCaptain Welile Matyolo, ithi amalungu ecandelo lokulwa ulwaphulomthetho asabele kwikhwelo lolwazi lokuba kunendoda erhaneneleka kwizenzo zolwaphulomthetho kwindawo yabo.
UMatyolo uthi kuyiwe kwikhaya lomrhanelwa kwagqogqwa igumbi lakhe kwafunyanwa imipu emine eyahlukeneyo, kwafunyanwa iimbumbulu ezingekasebenzi ze kwafunyanwa nevesti yokuzikhusela.
Imipu ebhaqwe kwindoda ebanjiweyo yakwaNew Payne eMthatha.
Image: SAPS
Kule mipu mine omnye uvele ukuba inombolo yawo yeyaseXopho kwiPhondo laseKZN, logama ivesti yona nayo ivela ukuba yeyePolisa laseDurban eKZN.
Ingxelo iqhuba ithi umrhanelwa xa ebezama ukuvalelwa uqhankqalazile engavumi ukubanjwa.
Imipu yomine ethathiweyo iza kuyokuhlolwa ukujonga ukuba khange isetyenziswe kusini na kwizenzo zolwaphulomthetho.
UMajor General Norman Modishana uthi abazokuphumla de iphele ngokwenene into yokuba nemimpu engenaziimpepha kummandla waseOR Tambo.