Kukhangelwa odubule wabulala ixhewukazi eMqanduli
Kudutyulwe ixhewukazi (71) eMakhenkesi eMqandili ngoMgqibelo.
Image: Umfanekiso ogciniweyo
AmaPolisa aseMqanduli abongoza intsebenziswano kuye nabani na onokuba nolwazi malunga nokudutylwa kwexhewukazi (71) lelokishi yaseMakhenkesi eMqanduli.
Ngokwengxelo yamaPolisa, eli xhewukazi lidutyulwe ngorhatya langoMqgibelo likwindlu yalo ekwisitalato iMankuntywana eMakhenkesi.
Isithethi samaPolisa ala mmandla, uCaptain Welile Matyolo, uthi ngethuba kungena indoda engaziwayo eli xhewukazi belihleli nomzukulwana walo oyintombazana oneminyaka elishumi elinesibini (12) ubudala ezelwe noye wasinda.
UMatyolo uthi ixhewukazi lidutyulwe lisegumbini lokulala ladutyulwa kumzimba ongentla. Umzukulwana akakhange enziwe nto.
AmaPolisa abongoza onolwazi ekubeni atsalele koyiNtloko yabeCuphi baseMqandul uLieutenant Colonel Ngqeleni ku0839844226 okanye ku0860010111.