Iindaba

Kubhubhe umrhanelwa kudubulwano namaPolisa eMthatha

Abongile Ginya|Published

Kubhubhe umrhanelwa wamnye kungquzulwano namaPolisa kusasa ngoLwesine eMthatha.

Image: Umfanekiso ogciniweyo

AmaPolisa aseMpuma Koloni adize iindaba zokubhubha komrhanelwa omnye kusasa ngoLwesine ngethuba ilungquzulwano phakathi komrhanelwa namaPolisa.

Oku kwenzeke kwindlela uR61 phakathi kwaseCicira nesikhuluko seenqwelomoya saseMthatha emva kwentsimbi yeshumi elinesibini.

Ngokwengxelo kaBrigadier Nobuntu Gantana, ithi amalungu eTRT ebesebenza ngobuntlola malunga nengxelo yesithuthi esirhaneleka ngokubandakanyeka kwimipu engenazimpepha. 

UGantana uthi isithuthi ebesirhaneleka siye sabonwa, asondela kuso amaPolisa ukuze asigqogqe, xa esondela umrhanelwa uye wavulela ngeembumbulu edubula kumaPolisa, nawo adubula ngelokuzikhusela. 

Kwesi sehlo kuye kwabizwa abezonyango olungxamisekileyo noluye lwabhengeza umrhanelwa njengoswelekilyo kwindawo leyo yexhwayelo.

UGantana uthi iinkcukacha ezipheleleyo zakuphinda zibhengezwe malunga nesi sehlo senzekileyo.