IMIFANEKISO | Nantsi indoda etyholwa ngokubulala uDJ Warras
UVictor Mthethwa Majola otyholwa ngokubulala uWarrick Stock, nodume ngelikaDJ Warras, uvele okokuqala enkundleni ngoLwesithathu.
Image: Itumeleng English/Independent Newspapers
Lihlehliselwe inyanga yoMqungu ka2026 ityala ngakuVictor Mthethwa Majola otyholwa ngokubulala ngendlela ecwangcisiweyo umsasazi uWarrick Stock nobedume ngelikaDJ Warras.
UMajola uvele okokuqala kwiNkundla kaMantyi yaseGoli ngoLwesithathu, umhla wamashumi amabini anesithathu (23) kweyoMnga 2025.
UMajola uza kuyichithela eziseleni iKrisimesi noNyaka oMtsha njengoko inkundla iwuhlehlisele umhla wesithandathu kweyoMqungu 2026.
Uza kwenza isicelo sebheyile kunyaka ozayo.
UVictor Mthethwa Majola otyholwa ngokubulala uWarrick Stock, nodume ngelikaDJ Warras, uvele okokuqala enkundleni ngoLwesithathu.
Image: Itumeleng English/Independent Newspapers
UMajola ngomnye wamadoda amabini abanjwe ngokumayelana nokubulawa kukaDJ Warras.
Izityholo ngakumrhanelwa wesibini kuxelwe ukuba zirhoxisiwe okwethutyana.
UStock, 40, wadutyulwa wabhubha nge16 kweyoMnga ngaphandle kwesakhiwo iZambezi House kumbindi wesithili saseGoli.
Inkampani yakhe yabucala yokhuseleko, i-Imperium Ops International, yafumana ikhontrakthi yokubonelela ngeenkonzo kwesi sakhiwo.
Oku kubanjwa kulandela iphulo lamapolisa kwihostele yaseMorafe eSoweto ngoMvulo umhla wamashumi amabini anesibini (22) kweyoMnga, nalapho abarhanelwa ababini babanjwa ukuze bancinwe.
UVictor Mthethwa Majola otyholwa ngokubulala uWarrick Stock, nodume ngelikaDJ Warras, uvele okokuqala enkundleni ngoLwesithathu.
Image: Itumeleng English/Independent Newspapers
Isithethi samapolisa aseGauteng, uBrigadier Brenda Muridili, kamva uqinisekisile ukuba omabini la madoda atyholwa ngokusesikweni ngokubulala.
Amapolisa ngaphambili athi uphando luyaqhuba futhi amagosa akhangela omnye umrhanelwa.
Ikhamera yeCCTV ebikwindawo yexhwayelo kuthiwa ibonisa abantu abathathu besiza kuStock ngaphambi nje kokuba adutyulwe.
Abasemagunyeni bahlola ukuba ingaba ukubulawa kunxulumene nomsebenzi kaStock kwishishini labucala lokhuseleko, ngakumbi ukubandakanyeka kwakhe ekusebenzeni kwizakhiwo ezisedolophini.
Kwiiveki ezingaphambi kokubhubha kwakhe, uStock kuthiwa wenza imiyalelo emininzi yokhuseleko emva kokufumana izigrogriso ezinxulumene nomsebenzi wakhe.
Ukuvela kukaMajola enkundleni kwenzeke emva kosuku lomngcwabo kaStock apho kwakukho usapho, abahlobo noogxa bakhe.